hornawang
3 de abril de 2024
西安最美民宿--九境·和輕奢美墅(永興坊店)
地理位置城牆內,濃濃歷史氣氛,環境寧靜,私隱度高,最愛正門入口,傳統裝修風格,未踏入已感受中國人祥和寧靜感覺,早上出門,沿城牆邊走邊想長安故事,晚上回來,踏過紅紅燈籠高高掛門檻,feel so good,兩層式建築物設計,建築費連超級豪裝費用估計應該四千萬,怪不得兩層建築物連升降機也有,Basement 有驚喜,潔淨環境全新一樣,桌球室、麻雀耍樂、唱K、影音室、用餐室,自助洗衣房等,一應俱全,我最鍾意露天用餐大長枱,一大班家人朋友露天火鍋 party 真係正到暈,最後一晚真係要多謝掌櫃小左哥,強拉我同幾個細路免費提供K 房大唱一番,無限高歌,大叫大唱,放任喪唱一番。
我住二樓,我選擇經室外螺旋梯拾級而上,經過大平台,靚景下,連每個住客最期望最心急第一時間要入去自己房間欣賞既不變定律都可以放埋一邊,立即攞部手提電話出嚟瘋狂影相,可想而知環境美得利害。入到房,感覺通風好,房間衛生乾淨整齊,兩間大房King Size 床,床單被罩都是新的,一次性的,兩套廁真係爽,洗浴設施齊全,仲有暖風機包你細路唔會冷襯,一家四口唔使爭住沖涼,24小時熱水好舒服,電動坐廁設施竟然有,驚喜,房間顏色相信一定深思配撘過,視覺非常舒適,wifi也很好,看電影順暢,冷氣不錯,前台接待員熱情,每晚也收到職員微訊問好,回來酒店未呀!!! 感覺溫暖,回到家的感覺,六星級酒店做不到的,就係呢D。
品質衛生,以我呢個清潔王子要求嚟講,超值價格,連住三晚,值得推薦的民宿,這次旅行值了,下次必定再來!
第一次同家人朋友從香港到國內,第一次到西安,中國頂級奢華民宿設計,一間民宿,一個故事,一種寫意生活…… 民宿寄託著情懷,民宿是鄉…
中國國家地理點名必睡的民宿,我選這家,讚👍🏼
Traduzir